ناقتي يا ناقتي ما عليـك مـن الهـروج صيحتين في قفى الذيب تقفاهـا العجـاج




العدل يبقى عدل والدروب العـوج عـوج والعمام الأمعه مـن فعـل كفـه سـراج




يا مكثرة الحكي والفعايـل عـوج هـوج ما يحذف الناس من كان بيته من زجـاج




يا حمد طير جناحه ورى صـدري يـروج ويش اسوي كانه افلت من اضلوعي وراج




..




..




مولدي في ارض عبقر من العام محجـوج انشدوا عن مولدي ليلة الحج ألف حـاج




المطالب يا حمد دونهـا ضـرب الفجـوج دونها شربك قراح مثـل شربـك همـاج




ما ثنوا عزم ابن عباس اصحاب البـروج لين زوجها من اعزب حدب سيفـه زواج




والدهر معنى دخوله من الداخـل خـروج والله لزبـن دخيـلٍ ولا سنـع خــراج




..




..




يا حمد لا تأمن الجدب في خضر المـروج مزنة العذب الفرات امطرت ملـح اجـاج




ولولا قولة والنعم ما اعتلوا فوق السروج امة قبلك خبـر حيهـا فـي الأرض داج




لا تعجب مـن علـوج توطتهـا علـوج والله ان الشـر للشـر احيانـاً عــلاج




في جنوب افريقيا البيض ياطون الزنـوج وفي شمال افريقيا البيض ما ترفع حجـاج




..




..




باترفع عن رجـال علـى الهينـة تـدوج عالم رامت مرام الصقـور وهـي دجـاج




قيصر من فوق فوج وكسرى فوق فـوج والجماعه بينهـم راكبيـن فـوق صـاج




وش نبي في هامة همها ضحكـة غنـوج أو قيامة قامـة مـا تقـوم عـود عـاج




أحمد الله يوم لي من خيال المـوج مـوج اركب الهاجسي في البحر تحتـي ومـاج




..




..




مـا تصفحـت الليالـي تصفـح كتالـوج لين مع كل حادث ذي حدش عشرى مزاج




العقيلة ما تبي غيـر ابـن حربـان زوج يوم حاجات الذيابة غـدت عنـد النعـاج




ساقي النشوى لها من خروج في ولـوج كم أنال الصحـو منهـا شديـد الإحتيـاج




يا حمد مسيار ربعي عليـه فـوج فـوج غايتي يوم الردي غايتـه نجمـه وتاج

merciiiiiiiiiiiiiiiiii